Xelatên Oscarê yên îsal di merasîmek bi coş de gihiştin xwediyên xwe. Fîlma Malezyayî ya bi
navê “Everything Everywhere All At Once” (Her Tişt Li Her Derî Di Heman Demê de) di 7
beşan de xelatê herî baş bi dest xist.
95’emîn Xelatên Oscarê ku ji aliyê Jimmy Kimmel ve hat pêşkeşkirin li Şanoya Dolby Theater
a Los Angelesê hatin belavkirin.
Di merasîma ku ji aliyê komedyenê navdar Jimmy Kimmel ve hat pêşkeşkirin de, fîlma
Malezyayî ya bi navê “Everything Everywhere All At Once” xelata “Fîlma Herî Baş” wergirt û
derhênerên fîlmê Daniel Kwan û Daniel Scheinert jî xelata “Derhênerê Herî Baş” bi dest
xistin.
Lîstikvana sereke ya fîlma ku di Xelatên Oscarê de 7 xelat bi dest xistin “Everything
Everywhere All At Once” Michelle Yeoh bû yekem lîstikvana Asyayî ya ku xelata “Lîstikvana
Herî Baş” wergirtiye.
Lîstikvanê sereke yê fîlma “The Whale” Brendan Fraser jî xelata “Lîstikvanê Herî Baş” bi dest
xist.
Fîlma “All Quiet on the Western Front” berhemeke din a ku bal kişandine ser xwe ya 95’emîn
Xelatên Oscarê bû. Fîlmê xelatên wekî “Fîlma Navnetewî ya Herî Baş” û “Sînematografiya
Herî Baş” wergirt.
Xelatê din ên ku hatine dayîn ev in:
Fîlma Herî Baş: Everything Everywhere All At Once
Derhênerê Herî Baş: Daniel Kwan, Daniel Scheinert – Everything Everywhere At Once
Lîstikvana Herî Baş: Michelle Yeoh – Everything Everywhere All At Once
Lîstikvanê Herî Baş: Brendan Fraser – The Whale
Lîstikvana Herî Baş a Duyem: Jamie Lee Curtis – Everything Everywhere All At Once
Lîstikvanê Herî Baş ê Alîkar: Ke Huy Quan – Everything Everywhere All At Once
Dengê Herî Baş: Top Gun: Maverick
Senaryoya Adaptekirî ya Herî Baş: Women Talking
Strana Orjînal a Herî Baş: “Naatu Naatu” – RRR
Efekta Dîtbarî ya Herî Baş: Avatar: The Way of Water
Dîzayna Produksiyonê ya Herî Baş:  All Quiet on the Western Front

Belgefîlma Kurt a Herî Baş: The Elephant Whisperers
Strana Fîlmê ya Orjînal a Herî Baş: All Quiet on the Western Front
Kurte-fîlma Live-Action a Herî Baş: An Irish Goodbye
Anîmasyon a Kurt a Herî Baş: The Boy, the Mole, the Fox, and the Horse
Fîlma Navneteweyî ya Herî Baş: All Quiet on the Western Front
Sînematografiya Herî Baş: All Quiet on the Western Front
Belgefîlma Herî Baş: Navalny
Anîmasyona Herî Baş: Guillermo del Toro’s Pinocchio
Senaryoya Orjînal a Herî Baş: Everything Everywhere All At Once
Lihevanîna Herî Baş: Everything Everywhere All At Once
Dîzayna Cilûbergan a Herî Baş: Black Panther: Wakanda Forever
Makeup (Makyaj) û Çêkirina Por a Herî Baş: The Whale
Rûdaw